Музейдың Негізін Қалаушы
Мұражайдың Негізін Қалаушы
«Өнермен жолымның түйісуі бір кезде өмірімді өзгертті. Мен үшін Almaty Museum of Arts — жай ғана мұражай емес, ол Орталық Азияның бай әрі даму үстіндегі өнерін әлеммен байланыстыратын мәдени көпір. Біздің миссиямыз — аймағымыздың бірегей мәдени бет-бейнесін аша отырып, жалпы адамзаттың тәжірибесін көрсететін заманауи өнермен қазақстандықтар ғана емес, елімізге келген қонақтар да таныса алатындай кеңістік құру».
Нұрлан Смағұлов
Нұрлан Смағұлов — қазақстандық кәсіпкер, меценат және Орталық Азиядағы алғашқы Almaty Museum of Arts жеке заманауи өнер мұражайінің негізін қалаушы. Ол 1992 жылы құрылған, Astana Motors, MEGA Center және MyCar сияқты табысты бөлімшелері бар Astana Group конгломератының президенті әрі негізін қалаушы. Смағұловтың басшылық етуімен бұл топ автокөлік жасау, бөлшек сауда және Қазақстанда жылжымайтын мүлік нарығын дамыту саласында көшбасшыға айналды.
Смағұлов мәдени және әлеуметтік бастамаларға белсенді қолдау көрсетеді. 2020 жылы құрылған Нұрлан Смағұлов қоры бүкіл ел көлемінде білім беру және әлеуметтік саладағы жобаларға қолдау көрсетеді.
Қазақстанның экономикалық және әлеуметтік дамуына қосқан үлесі үшін Нұрлан Смағұлов бірқатар марапат та алған, соның ішінде ІІ дәрежелі «Барыс»
ордені де бар. Сондай-ақ ол Forbes нұсқасы бойынша Қазақстандағы ең ықпалды бизнесмендер арасында ұдайы жоғары қатардан орын алады.
Нұрлан Смағұлов коллекционер ретінде Алмагүл Меңлібаева, Асқар Есдәулетов, Эдуард Казарян сияқты замандастарының жұмысын жинаудан бастаған. Жыл өткен сайын коллекциясы молайып, қазір онда қазақстандық авторлармен қатар, шетелдік суретшілердің еңбектері де бар. Мәдени мұраны сақтау және әлемдік арт кеңістіктегі Қазақстанның орнын нығайта түсу жолында Almaty Museum of Arts мұражайін ашуы оның меценаттық қызметіндегі маңызды қадам болды.