Қол жетімділік
The site
is under construction
Мұражай — баршаға ашық кеңістік, ал өнер әр адамның қолы жететін тәжірибе болуына ұмтыламыз.
Физикалық мүмкіндік — мүмкіндігі шектеулі келушілерге қолайлы болуы үшін музейдің сәулет дизайнында пандустар, лифтілер қарастырылған және өтетін жерлер кең етіп жасалған. Музейлерге арналған инклюзив шешімдермен жұмыс істейтін француздың Tactile Studio студиясы жасаған тактильді элементтер мен көрнекі белгілер сенсорлық бұзылуы бар жандарға көмектеседі.
Инклюзив бағдарламалар — біздің экскурсияларымыз бен бағдарламаларымыз келушілердің қажеттілігі әртүрлі екенін есепке ала отырып жасалған. Көруі немесе естуі нашар балалар мен ересектерге арналған арнайы турлар да қолжетімді әрі қызықты етіп жасалған.
Цифрлық ашықтық —біздің сайтымыз коллекция мен көрмелердің ауқымды цифрлық мұрағатын ұсынып, музей коллекциясы мен бағдарламасын қашықтан игеруге мүмкіндік береді.
Көп тіл білетін гидтер — көрмелер бойынша музейде және онлайн бірнеше тілде аудиогид пен мәтін түріндегі ақпарат ұсынамыз.
Билет бағасы қолжетімді — тегін кіруге болатын күндерден бөлек, балаларға, студенттерге және зейнеткерлерге жеңілдік ұсынамыз. Біздің мақсатымыз — музейдің барынша баршаға ашық болуына қол жеткізу.
Мобильді көмек құралдары — музей ішінде тегін пайдалануға мүгедектер арбасы мен роллаторларды ұсынамыз. Қолжетімділік мәселесіне орай сұрақтарыңыз болса, біздің қызметкерлеріміз көмектесуге және музейге келу баршаға жайлы болуын қамтамасыз етуге дайын.
Егер сұрақтарыңыз болса немесе қосымша көмек қажет десеңіз, алдын ала хабарласыңыз — музейге сапарыңыз мейлінше жайлы әрі қолайлы болуы үшін қолдан келгеннің бәрін жасаймыз.