Алматыдағы өнер оқиғалары

Біздің алғашқы ALMA Makes! анимацияға арналады. 🎬
Біз бірге суреттерді жандандыруды, оқиғалар ойлап табуды және өз анимациялық әлемдерімізді жасауды үйренеміз.

Almaty Museum of Arts-те Диана Махмуд (альт) пен Асене Овчинникова (скрипка) орындауындағы «Сәттер үндестігі» атты ішекті аспаптар дуэтінің концерті өтеді.

The Quietude of Autumn – күз аяқталар тұста Нұргүл Нүсіпжанованың тыңдарманды тыныштық, жылылық пен нәзік мұңға елітіп әкететін фортепиано кеші.

After Work: Мария Резвановамен бірге керамикалық мүсін жасау
Ересектерге арналған кешкі уоркшоп заманауи мүсін өнері мен өзіне ғана тән пішін іздеу жолында бағдар береді. Қатысушылар Марияның авторлық әдістемесіне сүйене отырып, саздан абстрактілі мүсін жасайды.

Almaty Museum of Arts көшпелі өркениетте кеңінен қолданылған һәм бүгінгі заманауи өнерде де өз орнын тапқан киіз жайындағы «Дала мұрағаты: Nemez, Kiiz, Namad» атты ашық іс-шараға шақырады. Іс-шара атауындағы үш сөз мажар, қазақ және парсы тілдеріндегі «киіз» ұғымын білдіреді.

Осы айдағы «Ашық шеберхана» жапон суретшісі Яёи Кусаманың шығармашылығына арналады. Оның әйгілі асқабақтарынан шабыт алған қатысушылар асқабақ пішіндерін ойып, безендіре алады. Шеберханада пішіндер мен түстерді, сондай-ақ суретшінің қолтаңбасына айналған бұршақ тәрізді өрнекті қолдана отырып, шығармашылық тәжірибе жасаймыз.

Балалар мен ата-аналар бірге қатыса алатын бұл керамика уоркшобы шығармашылықпен айналысып, уақытты сапалы өткізу мақсатында ұйымдастырылады. Қатысушылар пішін, түс және оқиға желісіне қатысты түрлі тәжірибе жасай отырып, суретші Мария Резвановамен бірге керамикалық дүниелер жасайды.

Тілек Ырысбектің атажұртқа оралған этникалық қазақтардың, яғни қандастардың өмірінің қыр-сырын ашатын қос деректі фильмінің көрсетіліміне шақырамыз.

«Марғауым менің қайда?» атты кітаптың қызықты әлеміне саяхатқа аттанамыз! Steppe & World Publishing баспасымен және кішкентай оқырмандармен бірге үйіне қайтар жолды іздеген сүйкімді марғаудың оқиғасын тамашалап, оның әлеміне бойлаймыз.

«Мүсіндер» көрмесінің ашылуына орай, оларды жаңа қырынан танып-білуге шақырамыз. Карточкалардағы тапсырмаларды орындап, «Мүсіндер» әлемін бізбен бірге зерттеп көріңіздер.

Билл Виоланың бейнеөнерінен баяу қозғалыстағы кадрлардан бөлек, ондағы терең пәлсапалық мән-мағынаны қалай аңғаруға болады?

Мүсін өнеріне интерактив бойлататын авторлық 4 шеберлік сабағынан тұратын серия.

Қараша айындағы Craft Night кешінде суретші Яёи Кусаманың өмірі мен шығармашылығына арналған «Шексіз әлемдер» фильмін тамашалап, оның өнеріне бойлаймыз. Өзіңізбен бірге шығармашылық жобаларыңызды ала келіп, сүйікті ісіңізбен айналыса отырып, кешті жайлы атмосферада өткізіңіз. Ал біз дәмді тіскебасарлар мен ыстық шай дайындаймыз!